Galiyan hai ya sakhi hai

Chand galiyan hai abhi bhi,
Jo apni si jaan padhti hai,
Sachi bolu to guzrun jab bhi,
Sakhi si jaan padhti hai...
Reh gai hai kuch galiya kacchi, jo mujhe mujhe dekh muskati hai....
Jaane wo kaisi khushboo hai jo mere zehen mai samai hai,
Inn galiyon mein wo aaj nahi lekin mujhe wahi yaad aai hai...
Mein bhi badal gai hu ab, lekin ye galiya waise hi milne aai hai,
Sakhiya nahi, wo khel nahi,
Dhappi kehkr hasne wala koi nahi, pithu jamakr ladhne wala koi nahi,...
Phir bhi ye galiya khilkhilai hai, yaadon ke phool itne meheke hai ki samunder mein lehrein aai hai...
Ye galiya phir se meri sakhi sang lai hai...

Khud se kab mill paunga

Karta hu abhimaan yun ki mujhse accha koi nahi,
Lekin ye sacchai hai ki mujhme kamiya hai abhi kai,
Dikhata hu sansaar ko yun ki bahut bada ho gaya hu mein,
Lekin ye sacchai hai,
Abhi chhoti baaton ko samjha nahi,
Hasta hu hasata hu, rokar bhi dikhata hu,
Phir bhi asal mein bhavnao ko kai thukraata hu,
Mein MEIN HU ye keh keh kr chillata hu,
Asal mein kya hu ye zehen mein aata nahi,
Aisa pal kab aayega jab mein aine ko dekh muskuraunga,
Khud se milkr chehek uthunga, aapni awaaz mein gungunaunga...
Tab sansaar nahi,
Mere andar ki duniya jaanegi mujh apne ko,
Kar paunga khudse baatein chand, sacchi hasi has paunga apnoke sang......

Mujhe nahi pata tere mann mein kya hai

Mujhe nahi pata tere mann mai kya hai pr ye 

yakin hai, tu meri dhadkano ko sunta hai, 

Mujhe nahi pata tu kya sochta hai pr ye 

sach hai tu meri saanson ko mehsoos krta hai,
Nahi janti teri samajh ko,pr 

meri baahon mai tujhe sukun milta hai,
Teri nazron ko dekh sirf pyaar aata hai, pr 

badi gehrai se tu mujhe parakhta hai,
Jane ye duniya kya hai tere liye, pr duniya 

bhar ka pyaar tu mujh pr udelta hai,
Maa mein teri hu pr, laadh dekr sabse khaas 

tu mujhe mehsoos krata hai,
Mujhe nahi pata mein kya hu pr yakinan 

Maa teri hu ye tu mujhe har pal batata hai.....
Shukriya Kushagra meri zindagi mein aane ke liye,

mujhe aur bhi sunder banane ke liye,

mere ander ye anmol ehsaas jagane ke liye,

Mujhe nahi pata tere mann mein kya hai pr

mere mann mein isse bhi zayada pyaar hai

tere liye...

Aaja phir tu bada ho jayega

Aaja phir tu bada ho jayega

Yun mujhe dekh kr tera muskurana
Rote rote bhi has dena
Aaja tujhe gale lagaun
Phir tu bada ho jayega

Har jagah meri godh mai sukun pana
Har mausam mai mujhe pakadh kr sona
Aaja tujhe sehlau
Phir tu bada ho jayega

Inn nanhe nanhe hathon se thapkiya dena
Mooh mai kabhi meri thodi aur hath lena
Aaja tujhe puchkaru
Phir tu bada ho jayega

Mere pallu se khelna
Mere baal , jhumke khichna
Aaja tujhe godh mai khilao
Phir tu bada ho jayega

Ghutno pe chalkr mere pass aana
Khilone chodh kr mere liye hath uthana
Ajaa tujhe khoob pyaar karu
Phir tu bada ho jayega

Mere gussa krne pr bhi mujhe satana
Tujhe naa samajhne pr bhi tera muskurana
Aaja tujhe apne mai samet lu
Phir tu bada ho jayega

Tere bade hone pr bhi yahi pyaar dulaar rahega
Tujhe khoob laadh karon mann yahi karega
Phir bada hokr tu bhi tere naam karega
Isliye mere nanhe badmashi laal
Aaja tujhe khoob pyaar karun
Phir tu bada ho jayega....

Tere sath sath mein bhi badi ho rahi hu....

 Mansi here it is for you....

Kushagra

Tere sath sath mein bhi badi ho rahi hu....
Jaise jaise tune ankhe kholi aur nazre tikani shuru ki,
Mera duniya ko dekhne ka nazariya hi badal gaya
Mujhe jeevan mai bas pyaar hi pyaar dikhne laga...

Jaise jaise tune hath-pair hilane shuru kiye,
Mujhe cheezon ko sambhalna aa gaya
Cheezon se zayada zindagi sambhalna sikh gai...

Jaise jaise tune hasna- rona shuru kiya,
Maine sath-sath muskurana sikh liya
Chhoti chhoti khushiyan jeena sikh liya...

Tere saath-sath mein bhi badi ho rahi hu...

Tune khilone bikherna shuru kiya
Maine pal sametna shuru kiya,

Tune ladhkhada ke chalna shuru kiya
Maine sath sambhalna shuru kiya,

Tune pakadna shuru kiya
Maine buraiyan chodna shuru kiya,

Tune hunkare bharna shuru kiya
Maine mitha bolna sikh liya,

Tere saath-saath mein bhi badi ho rahi hu
Tu mera Baccha badhta jaa raha hai
Mein teri MAA ,Mamta mai badhti jaa rahi hu,

Tere saath saath mein bhi badi hoti jaa rahi hu.....

Mein phir un palon mai muskurana chahti hu mein phir se wahi dekhna chahti hu

Mein phir un palon mai muskurana chahti hu

mein phir se wahi dekhna chahti hu,

chahti hu phir se ghumte-ghumte thak kar 

pappa ki godh par chadh kar sair karna,

phir se pappa ki godh mein khelna chahti hu
mein phir un palon mai muskurana chahti hu
mein phir se wahi dekhna chahti hu,
chahti hu phir se wo bauji ka roz-roz
office se aakar chocklate dena
wo maa ka bauji ko dekhkar chain ki saan lena
har sunday ko ghumane jaana chahti hu,
Mein phir un palon mai muskurana chahti hu
mein phir se wahi dekhna chahti hu,
chahti hu wo bhaiya ke sath khelna, ladhna-jhagdna
phir sath-sath home-work karna
rubber ke chhote-chhote tukde karna
mummy ki daat ke baad bhi has ke bolna chahti hu
Mein phir un palon mai muskurana chahti hu
mein phir se wahi dekhna chahti hu,
chahti hu phir se chhoti si Tanu ko godh mai lekar khelne jaana
ussey nehla kar taiyaar karna
khelte-khelte chup jaana
phir Tanu ka pyaar se didi pukarna
wo mitthi si awwaz mehsoos karna chahti hu
Mein phir un palon mai muskurana chahti hu
mein phir se wahi dekhna chahti hu,
aaj bhi accha hai, par un palon mai mein
meri masoom soch ko sarhana chahti hu
aapne bado ko wo baccha bankar
phir se khub pyaar karna chahti hu
apni muskurahat ki chaya dikhakar
phir se unke dil ko sukun pahuchana chahti hu,
Mein phir un palon mai muskurana chahti hu
mein phir se wahi dekhna chahti hu....

Jahan Hum humesha sath ho

Wo pal kaha se lau jaha wo pyaari aur damdaar 
awaaz phir sunai de, 
Wo waqt kaha se lau jahan aapki godh mai baithon 
aur sir pr aapka hath ho, 
Wo din kahan se laun jb nazre aapko 
dekh chamchama jaye, 
Wo jahan kahan se laun jab mein aapke gaal kheech 
kr zoor se pappi le saku,
Aapke sine se lag ke aapki 
dhakane sun saku,
Aapke sath zoor zoor se 
has saku,
Mere hero wo duniyan kahan se laun jaha 
hum humesha sath ho.. 
Wo pyaara gudla gudla haath wo 
mithi aur gehri awaaz wo 
shakti aur mann ki shanti wo 
samjh aur khoob saara dulaar wo 
daant ke piche chupa dher saara pyaar wo 
har sawal ka jawab..... 
Bauji mere bauji mere hero mere pyaare bauji.... 
Kahan se laun.......

Ander hai Bhramand

Ander hai Bhramand

Aatma humari Surya hai, 
Indriya humari grah, 
Jo jhaank le ander deh ke,
sab paa jaye vah!!

Tatool anter-man ko, 
Seech prem ki soch ko, 
khilne de tu sach ko, 
khelne de tu rab ko!!

Ander hai vishwas, 
Yahi ander hai Bhagwan, 
Prakriti se tu pyaar kr, 
Pyaare tere ander hai Bhramand!!!...

Bhool Gaya

Mein kaagaz ke tukdo ko ginta raha,
jb Pyaar ki kimat bhool gaya.. 
Sone-chanti ko tarazu mai tolta raha, 
jab rishton ko sambhalna bhool gaya.. 
Et pe et rakhta gaya, 
jab apno ka sath chutata gaya.. 
Saanse yun hi leta raha, 
jb jeene ka andaaz bhool gaya!!!!....